HITZAK

'Hitzak' antzezlana Oñatin [DOMEKA, 19:30]

Zuriñe Velez de Mendizabal 2014-03-14 11:00   Kultura  Oñati

Hika taldearen hitzezko tratu txarren gaineko antzezlana ikusteko aukera egongo da Oñatiko Santa Ana aretoan etzi, domeka, 19:30ean hasita.

'Hitzak' antzezlanaren une bat. | Argazki originala

Ez da antzerki soila Hika taldeak proposatzen duena, gogoetara eramaten duten horietakoa baizik. Familia batean zentratuta, obrak tratu txarrak ditu oinarrian; ez dira fisikoak, askotan oharkabean igarotzen diren tratu txar emozionalen gaineko antzezlana baita.
Eta publikoaren aurrera irtengo dira lau aktore: Ane Pikaza, Itziar Ituño, Klara Badiola eta Jabi Barandiaran. Gizonezko bat, hiru emakumezko eta bi pertsonaia nagusi. Hain zuzen ere, Pikazak, Ituñok eta Badiolak Mariren pertsonaia interpretatzen dute, bizitzako hainbat unetan kokatutako pasarteak kontatuta. Eta Mari, kontakizunean, menpean bizi izatetik aske izatera, iluntasunetik argitasunera igaroko da Santa Anako emanaldian.
Barandiaranen papera, ostera, Mariren senarrarena izango da da, baina ez da hitzezko tratu txarrak ematen dituen gizonezkoan zentratzen, autorearen iritziz bera ere gizarte matxistaren biktima da eta.

Sarrerak

Sarrerak aurrez eros daitezke http://www.barrabarra.eu helbidean eta egunean bertan, leihatilan, 10 eurotan.