Ia 33 urteren ostean, jabe aldaketa bihartik Oñatiko Izarraitz tabernan
2014-03-31 08:08 Oñati
1981eko irailaren 8an zabaldu zuten Xabier
Ibarzabalek eta Margari Bastarrikak Kale Zaharreko Izarraitz taberna,
eta azken urteetan bertako langile izan den Igor Biaini pasatuko diote
lekukoa bihar. Hori horrela, asteburu hunkigarria izan da, asko izan
dira-eta egunotan tabernatik pasatu diren bezeroak.
"Ez da lan faltagatik, atseden hartzeko ordua heldu zaigulako baizik.
Pena handiarekin, hori bai!", dio hunkituta Margarik taberna uzteko
arrazoiak azaltzeko. "Guretzako taberna gauza oso polita izan da,
bizipoza; ez dugu inolako kexarik" gaineratzen du, eta egun berezirik
gogoratzen duen galdetuta, ezin da bakarrarekin geratu: "Jaietako egunak
alaiak izan dira, lanean ere gazte jendea eta giro ona egon delako.
Baina egunean eguneko lana ere polita izan da, betiko bezeroekin
lortutako harremana". Hori bai, bi iloba izanda, taberna utzi arren
entretenimendua izango dutela dio.
No hay comentarios:
Publicar un comentario