Argiaren Hotsa

2016/01/31

19:00

MIKEL GOIANGERUAREN PARROKIA

Argiaren hotsak erakutsiko ditu Ganbarak hilaren 31n, "erabat ezberdina" izango den ikuskizunean

Jokin Bereziartua 2016-01-12 17:09   KULTURA  OÑATI BERRIAK

Argiaren Hotsa izango da 2016ko Ganbara abesbatzaren ikuskizun handia. Urtarrilaren 31n estreinatuko dute Mikel Goiangeruaren parrokian (19:00) eta atzo egindako aurkezpenean nabarmendu zutenez, orain arteko produkzio konplexuenetakoa da teknikari erreparatuz gero. Diotenez, ez dute inor axolagabe utziko. 

Ganbara abesbatzaren sorkuntzarako abileziak eta kemenak ez du mugarik, eta horren adibide garbia izango da urtarrilaren 31n, arratsaldeko zazpietan, Mikel Goiangeruaren parrokian estreinatuko dutenArgiaren Hotsa ikuskizuna. 

Ikuskizun multidiziplinarra

Orain arte Ganbara abesbatzak egin duen produkzio lan konplexuenetakoa izango da Argiaren Hotsa. Espektakulu multidiziplinarra da, musika, ahotsa, argia, irudia eta poesía batuko dituena. Aurreratu dutenez, ikuskizun ezberdina izango da. 

Gidoia, Salamerorena

Ganbara eta Ganbara Txiki abesbatzekin batera, Andoni Salamero euskal filologoa arduratu da testuaz. Izar baten papera hartuko du Salamerok eta izar horren bidaia kontatzea izango da haren egitekoa, antzezpen eta guzti. Argiaren Hotsa erronka berri bat izango da Salamerorendako. 

Testua ikuskizun honetarako propio sortu dute, musika ez bezala. Hau da, aurrez sortutako musika gidoira egokitu dute. Urtebete daramate proiektu honekin eta jende asko mugitu behar izan duteArgiaren Hotsa errealitate bihur dadin. 

Sarrerak salgai

Sarrerak erosteko hiru bide daude: Txokolateixian, Ganbarako webgunean etawww.ganbara.sacatuentrada.es atarian.