Maylor enpresako teilatuak su hartu du

Garibai auzoko Maylor enpresaren teilatuak sua hartu du. Ertzaintzak esan digunez oraindik ez dakite sua zerk eragin duen. Baina, pabilioiko langile batek GOIENAri jakitera eman dionez, teilatu-hodia konpontzen ari zirela plastiko batean txinparta batek salto egin eta sua piztu da 15:15ean. Suhiltzaileen sei kamioi gerturatu dira bertara eta dagoeneko sua itzalita dago. Zorionez inork ez du minik hartu.