Bolo-bolo zabaldu den bideoan ikusten denez, harrapaketa ikusgarria izan zen baina 54 urteko gizonezkoa onik eta etxean aurkitzen da atzo iluntzetik. Atzo arratsaldeko sokamuturrean izan zen gertaera, Kale Barrian, pilaketa baten. Arrano tabernaren aurrean elkartu zen jendea, hesi baten atzean babesa hartuta. Bideoan ikusten den moduan, gizona, bigantxa xaxatu eta gero, hesiaren babesera zihoala harrapatu zuen ezustean abereak. Buruan kolpea hartu eta Debagoieneko Ospitalera eroan zuten anbulantzian berehala. Iluntzean bertan eman zioten alta gizonezkoari.
No hay comentarios:
Publicar un comentario