KASTETXEETAN DIRA 2015-2016 ESKOLA AGENDAK
miércoles, 2 de septiembre de 2015
Miren Elgarresta
2015/09/02.
Miren Elgarresta Emakume eta Gizonen Berdintasunerako Organoko zuzendari nagusi izendatu du gaur Gipuzkoako Diputatuen Kontseiluak
Foru Aldundiak ostiralean iragarri zuen Miren Elgarrestaren izendapena, baina ofizialki gaurko Diputatuen Kontseiluan erabaki da. Oñatiarrak arratsaldean bertan hartuko du zuzendari nagusi kargua.
Proposamenak ez-ustean harrapatu zuela aitortu digu Miren Elgarrestak. Baina berarengan jarritako konfiantzak poztu zuela ere esan digu. Erronka eta esperientzia berri bat izango direla adierazi digu eta udal hauteskundeetan alkategai izateko aurkeztu zenean hasitako ibilbidean urrats berri gisa hartzen du.
Miren Elgarrestak sentsibilitate handia du berdintasunaren gaian, txikitatik eta etxetik, bereziki amarengandik jaso zuen transmisioa izan dela adierazi digu. Emakume eta gizonen arteko berdintasuna bizitza esparru guztietan eragiten duen gai transbersal moduan ulertzen du. Elgarrestak, emakume eta gizonen berdintasunerako organoan lanean diharduen taldearen gidaritza hartuko du, dagoeneko arloan eskarmentua duen lan taldea zuzenduko du.
Miren Elgarresta Oñatiko Udalbatzako kide eta jeltzaleen bozeramalea da gaur egun eta horretan jarraituko du aurrerantzean ere, Aldundiko ardurarekin bateragarria baita. Ez ordea, orain arte zuen ardura profesionalarekin. Elgarrestak Arantzatzuko Parketxean proiektu teknikari gisa lan egiten zuen eta bertan eszedentzia eskatu du Donostiara joan ahal izateko.
Iturria: Oñati Irratia
Mikel Biain alkatea Bilbon izango da etzi Urkulluren gonbidapenari erantzunez
Batzarraren helburua, biktimen omenaldiak sustatzea da
Lehendakaria eta Gipuzkoa, Araba eta Bizkaiko 128 alkate ostiral eguerdian elkartuko diraOroimenaren Institutua hartuko duen egoitzan. Ekitaldian zehar, Lehendakariak bakoitzaren udalerrian eraildako biktimen izenak jasotzen dituen txostena emango dio alkate bakoitzari. Dokumentu pertsonalizatuak dira udalerri bakoitzarentzat. Bizitzarako Eskubidearen Urraketen Udal Erretratuak (1960-2010) izeneko txostenean, 50 urteetan ETAk, GALek, Batallon Vasco-Españolek, GAEk eta Triple Ak eta estatuko segurtasun indarrek hil zituzten pertsonen datuak jasotzen dira. Oñatin ere halakorik izan da eta ondorioz, Mikel Biain alkatea etziko bilerara gonbidatu du Urkullu lehendakariak.
Batzarra bitan zatituko dela aurre ikusi da: Lehen zatia publikoa izango da eta Lehendakariak eta Jonan Fernadez Bakegintza eta Bizikidetzarako Idazkariak berba egingo dute. Bigarren zatia berriz, pribatua eta hedabideentzat ateak itxita daudela egingo da. Herri ezberdinetan bizikidetzarako ematen ari diren urratsak, biktimen oroimenaren inguruan izandako esperientzia ezberdinak elkartrukatuko dira. Gonbidatu diren 128 alkateen artean, alderdi eta sentsibilitate politiko ezberdineko ordezkariak daude. Hasiera batetan, EAJ, EH Bildu eta alderdi sozialistako alkate banak berba egitea aurre ikusten da bizikidetzaz bakoitzak duen iritzia azaltzeko.
Urkullu Lehendakariak ostiralerako deitu duen bileraren helburua, herri bakoitzean bizikidetzaren eta biktimen oroimenaren alde urratsak ematea da, beti ere, tokian tokiko errealitatera egokitu eta prozesuaren erritmoak errespetatuz. Alkateei, azaroaren 10ean“Oroimenaren eguna ospatzeko gonbidapena egingo die Lehendakariak baina ekintzen antolaketa udal bakoitzaren irizpide eta asmoen esku utziz.
Pasa den astean iritsi zen udaletxera Lehendakaritzaren gonbidapen gutuna eta aurrez hitzartuta zituen hainbat zita aldatu ondoren, alkateak, etzi eguerdian Bilbon egongo dela jakinarazi du jada.
Iturria: Oñati Irratia
BEDERATZIURRENA 2015.
goiena
Ama Birjinaren bederatziurrena hasi dute Arantzazun
2015-09-01 16:49 DEBAGOIENA OÑATI BERRIAK
Ohiturak eta fedeak bat egiten dute Arantzazun, eta irailean inoiz baino gehiago. Ama Birjinaren egun nagusia irailaren 9a da eta dagoeneko hasi dute bederatziurrena. Euskaldun askoren topaleku izango da egunotan Arantzazu; lehenengo erromesak, esaterako, Nafarroa aldetik iritsi dira.
Urteroko erromesak dira gehienak, Ama Birjinari bisitatxoa egin, meza entzun, inguruan bazkaldu eta egun pasa polita egiteko gogoz datozenak. Eta aurten Arantzazuko frantziskotarrek errukiaren gainean egingo dute gogoeta erromes horiekin. Aitortzak eta meza nagusia goizetan egiten dituzte baina jende gehien arratsaldeko otoitzaldian elkartzen da.
Debagoienetik ere jende asko hurreratuko da otoitz egitera egunotan; Aretxabaletakoak, esaterako, datorren astelehenean, irailak 7, joango dira eta Arrasatekoak irailaren 13an, domeka.
martes, 1 de septiembre de 2015
Mikel Altuna eta Erik Fuente garaile
OK MAGAZINEA
Oñatiarrak Errioxako rallyan. Argazkia: Edur OdeiRacing Facebook
2015-08-31 20:43:26
DENBORALDIKO LEHEN GARAIPENA DA
Mikel Altuna eta Erik Fuente garaile, Baños de Riojako rallyan
Mikel Altuna eta Erik Fuente oñatiarrek, garaipena eskuratu zuten abuztuko hirugarren asteburuan Baños de Riojan jokaturiko rallyan. Copa Focus izeneko txapelketan lortu zuten denboraldiko aurreneko txapela.
Beste Kirol batzuetan ez bezala, automobilismoan ari diren kirolariek bere pasioaz gozatzeko eta lehiatzeko aukera ezberdinak izan dituzte oporretako hilean zehar. Abuztuaren 22an esaterako, Baños de Riojako rallyaren laugarren ekitaldia jokatu zen eta Mikel Altuna eta Erik Fuente oñatiarrek, garaipena lortu zuten Copa Focus izeneko txapelketaren barruan.
Txantxikuarrek lan bikaina egin zuten Ford Focus autoarekin. Lehen partzialean «notekin arazoak izan ditugun arren», bigarren postuan amaitu zuten; lehen postutik hiru segundu eskasetara. Lehen zatian egindakoa ikusi ondoren, bigarren partzialean «arriskatu eta lehen postuaren bila» jo zutela onartu digu Fuente kopilotuak. Hori horrela, partzialik onena oñatiarrena izan zen eta hori gutxi balitzscrach-a egitea lortu zuten.
Hirugarren eta azken partziala erabakiorra izan zen. Oñatiarrek egoera oso berezia izan zela onartu digute: «Inoiz ez gara horrelako egoera batean egon. Guretzat berria zen eta lidertza defendatzera irten ginen, lasai eta gauzak ondo eginaz». Zorionez, azken zatia ere bikain joan zen Altuna eta Fuenterentzat eta azkenean, 1,2 segunduko aldearekin gailendu ziren Iñaki Ubiria eta Gorka Biainekiko. Sailkapen ofizial guztiak [hemen].
Hirugarren proba puntuagarria
Errioxakoa, Copa Focus RACVN txapelketako hirugarren proba puntuagarria izan zen. Aurrenekoan (Nafarroan), arazo mekaniko bat tarteko, erretiratu beharra izan zuten. Santillanan jokaturiko hurrengo proban, hirugarren izan ziren eta azken honetan, garaipena eskuratu dute. Argi dago etengabe haziz doan bikotea dela Altuna eta Fuenterena.
Denboraldia amaitu aurretik baina, beste bi proba osatu beharko dituzte txantxikuarrek. Iraila amaieran Arnedon eta urrian Ultzaman.
Oñatiarrak Errioxako rallyan. Argazkia: Edur OdeiRacing Facebook
Suscribirse a:
Entradas (Atom)
