Gutxigatik, baina Zabaleta garaile Udanako igoeran
2016-06-25 21:37 KIROLA OÑATI
Udanako hamaikagarren igoera Aitor Zabaletak (02:12.298) irabazi du, eta bigarren postuan geratu den Joseba Iraola, (02:14.963) sei hamarrenenetara geratu da. Hirugarren postua, berriz, Arkaitz Ordokik (02:26.306) lortu du, eta lehenengo oñatiarra, David Ardions izan da.
Eguraldia lagun, lasterketa bikaina izan dute gaur Udanan izan diren pilotuek. Guztira, 70 pilotuk hartu dute parte, eta antolatzaileen arabera "hainbeste auto izateko, oso ondo joan da lasterketa, eta arazo barik bizkor bukatu dugu".
Sei hamarrenetara
Lehia estua izan da Aitor Zabaleta eta Joseba Iraola pilotuen artean segundo erdiko diferentzia egon delako, sei hamarren hain zuzen ere. Zabaletaren esanetan: "justu ibili naiz, baina segundo erdiko diferentzia errekuperatzea askotan zaila izaten da. Horrez gain oso pozik nago lasterketarekin eta izan den giroarengatik".
Oñati saria
Lehen oñatiarra, David Ardions (Clio Sport) izan da, bigarrena, Asier Samaniego (BMW M3), eta hirugarrena, Asier Mugarza (Clio Sport).
Emakumezko bakarra
Udanako lasterketan parte hartu duen emakume bakarra Monika Muñoz (Citroen ZX) oñatiarra izan da, eta oñatiarrak, lortu du emakumezko azkarrenaren saria.
No hay comentarios:
Publicar un comentario