miércoles, 16 de abril de 2014

Bidegorri sarea Olabartaraino luzatu nahi du Udalak

OK MAGAZINEA

 
Besteak
2014-04-16 11:14:18
Sestra Ingeniaritza eta Arkitektura enpresak egingo du proiektua

Mugikortasun iraunkorra sustatu, eta oinezkoen eta bizikleta zaleen segurtasuna bermatzeko asmoz, urrats berri eta garrantzitsuak eman nahi ditu Udalak. Hala, Hiri Mugikortasun Iraunkorreko Planean jasotako hiru egitasmo gauzatzeko proiektuen idazketa kontratatu berri du.

LAZARRAGA-UGARKALDE bidegorria: Bidaurreta aurrealdeko bidegorria Ugarkalde auzokoarekin lotuko duen bidegorriaren proiektua.

UGARKALDE-OLABARRIETA artean bizikleta eta oinezkoentzako bidea: Ugarkaldetik Olabarrietara doan GI-2360 errepide ertzean bizikleta eta oinezkoentzako bidea egiteko proiektua.

LURPEKO PASABIDEA Olabarrietan: Olabarrieta eta Murgia auzoetako oinezkoen bideei jarraipena emateko, Covinor enpresa parean lurpeko pasabidea egokitzeko proiektua, GI-2360 errepidea arrisku barik gurutzatu ahal izateko.

Hiru egitasmo hauen ezaugarri eta kostuak ezagutu nahi ditu Udalak eta horretarako, Sestra Ingeniaritza eta Arkitektura enpresari enkargatu dizkio hiru proiektu hauen idazketa, lanen zuzendaritza eta segurtasun nahiz osasun koordinazio lana. Lanok, 53.400 eurotan egingo ditu arkitektura enpresak.

Txirrindulari bat Bidaurreta inguruko bidegorrian

No hay comentarios:

Publicar un comentario