Mendi irteera.Bidarrai eta Amaiur

Bidarrai eta Amaiur aldera egingo du irteera domekan Aloña Mendik

Api. 16, 2013, 10:22 a.m. Oihana Elorza

Aloña Mendik antolatuta, Bidarrai eta Amaiur aldera egingo dute irteera domekan. Hilaren 18a aurretik eman behar da izena. Apirilerako prestatu duten bigarren irteera eski irteera Posetsera egingo dute, eski trabesia egitera.

Domekan, apirilak 21, Bidarraitik hasi eta Amaiurren bukatuko den irteera egingo dute, Hirubelaskoa tontorra zapalduz (967 metro). Bospasei ordu inguruko irteera izango da, zailtasunik gabea.

Goizeko 07:00etan aterako dira postetxe paretik. Izena emateko azken eguna da apirilaren 18a, eguena. Bazkideak bederatzi euro ordaindu behar dute, eta bazkide ez direnak, 12 euro; langabetuek, bost euro.