Bidelan-Kirolgi taldeko zuzendari berria izango da Jon Odriozola oñatiarra. Bi urte dira profesional mailako Euskaltel-Euskadi taldea utzi zuela; orain, amateur mailako taldea hartuko du. Adierazi digu bere asmoa dela Gipuzkoa mailan talde profesional bat sortzea.
Zapatuan izango du taldekideekin lehenengo hitzordua Odriozolak. Bidelan-Kirolgi taldeko zuzendari berria izango da amateur mailan oñatiarra. Kirol arduradun nagusia izango da.
Afizionatu mailako taldea osatzeko gogoa
2008an utzi zuen Odriozolak Euskaltel-Euskadi. Ordutik afizionatu mailako talde bat osatzeko gogoa izan du, baina bizi dugun egoera ekonomikoak ez dio larregi lagundu horretan.
Orbea, Euskaltel eta Bidelan
Bidelan-Kirolgi Odriozolaren hirugarren taldea izango da zuzendari bezala. Aurretik, Orbean eta Euskaltelen ibili zen oñatiarra. Azaldu du oraingo lana Orbean egiten zuenaren antzerakoa izango dela.
Gipuzkoa mailako talde profesionala
Bere nortasuna eta ideiak utzi gura ditu Odriozolak Bidelanen. Gazteekin lanean hasi, aurrera begira profesional mailako talde bat osatzeko Gipuzkoan. Gainera, txirrindularitzak aldatu beharra duela uste du; azken bi urte hauetan etxetik ikusi du txirrindularitza, eta ez zaio larregi gustatu ikusitakoa Odriozolari. Egoera txarra dela eta aldatu beharra daukala uste du.
GOIENAtik
No hay comentarios:
Publicar un comentario