viernes, 2 de septiembre de 2011

OÑATZEN EGUNA




300 bat lagun Oñatz taldearen 40. urteurrena ospatzeko

Guztiek dute hitzordua 12:00etan Foruen enparantzako pilotalekuan. Musikarekin girotuta poteoa egingo dute, baina, aurretik, aurreskua edo ikurrin-dantza dantzatuko dute. 14:30ean herri bazkaria egingo dute kiroldegiko pilotalekuan. Jai eguna bukatzeko Larrain dantza erraldoia egingo dute plazan, 19:30ean.

1962an Oñatz kultura elkartea sortu zen; besteak beste, abesbatza eta mendi taldea zituen.

Txutxin 1968an dantza eskolak ematen hasi zen Zubillagako neska-mutiko talde batekin eta lehen dantza saio egin zuten 1969an Santurtzin. Urtebete geroago Oñatz kultura elkarteak pentsatu zuen Haur Dantzarien Eguna Oñatin ospatzea.

Dantza talderik ez zegoenez, Zubillagako neska-mutikoek egin zuten dantza. "Haren ondotik deialdia egin genuen herrian umeak dantza taldera erakartzeko eta Zubillagakoek bat egin zuten taldearekin", gogoratu du Txutxin-ek.

Oñatz dantza taldeko kideek eskolak ematen dituzte: egun 200 bat neska-mutikok dihardute dantzan 60 irakasleren aginduetara.

No hay comentarios:

Publicar un comentario