domingo, 22 de mayo de 2011

Ia 51.000 debagoiendar daude gaur botoa ematera deituta

2011-05-22 08:00:00 Leire Kortabarria
Gaur, 50.919 debagoiendar daude deituta bailarako bederatzi udaletarako zinegotzi-zerrendak bozkatzera; hortik, bailarako 115 zinegotziak irtengo dira. Horrez gain, gero EAEko hiru batzar nagusietako zerrendak ere bozkatuko ditugu.

Hauteslekuak 09:00etatik 20:00etara daude zabalik.

Herriz herri, hauek dira botoa emateko eskubidea dutenak:

Antzuola: 1.708
Aramaio: 1.197
Aretxabaleta: 5.325
Arrasate: 17.941
Bergara: 11.649
Elgeta: 869
Eskoriatza: 3.206
Leintz Gatzaga: 202
Oñati: 8.822
Herri gehienetan, hautesleku bakarra dago; kasu batzuetan, hautestontzi bakarra ere bai. Hori da Leintz Gatzagaren eta Elgetaren kasua. Bi herrietako biztanleek udaletxean emango dute bozka.

Aretxabaletan, hautesleku bakarra dago, baina zazpi hautestontzi; Antzuolan eta Aramaion, bi; eta Eskoriatzan, lau.

Hautesleku bat baino gehiago dituzte hiru herrik: Oñatik (bost), Bergarak (bost) eta Arrasatek (sei).

No hay comentarios:

Publicar un comentario