Zorionak Aloña!

2011-05-01 16:34:57 Irati Goitia
Aloñak Azpeitiako Lizuan.com-en aurka 76 eta 66 galduta ere, EBA ligara igotzea lortu du. Izan ere, gaur Seky.es taldeak galdu egin du Santurtziren aurka (78-72). Oñatiarrek izugarrizko marka egin dute: hirugarren aldiz jarraian mailaz igo dira. Zorionak!

Aloñak partidu garrantzitsua zuen zapatuan Azpeitian, EBA ligara igotzeko lehen aukera zuelako, garaipena lortuz gero. Tamalez, ez zen horrela izan. Xabi Igartuaren mutilek arerio gogorra izan zuten aurrean. Azpeitiko taldea indartsu irten zen kantxara eta oñatiarrak, berriz, oso motel. Hor egon zen partiduko gakoa, Lizuan.com taldeak 8 eta 0eko partziala eskuratu zuen-eta.

Txantxikuek lortu zuten aldea behin baino gehiagotan murriztea lehian zehar, baina ez aurretik jartzea. Arerioek ez zioten jokatzen utzi Igartuaren mutilei. Izan ere, Azpeitiko taldeak sendo jokatzen du: beti eskua sartzen eta barneratze guztietan bi jokalariekin. Ondorioz, gorriek ezin izan zituzten jokaldi erosoak egin eta baloi asko galdu zituzten. Amaieran, zortzi puntuko aldeagatik galdu zuten.

EBA ligara igoera

Aloñako jokalariek ez zuten euren kabuz mailaz igotzerik lortu, baina domekan jokatzekoa zen euren arerio zuzenak galdu egin zuen. Horrela, txantxikuarrak EBAra igo dira. Aste honetan etxean irabazita, jarraitzaileei euren babesa eskertu nahi diete, eta denboraldia ongi bukatu.