Aloña mendi txirrindulariza 50 urte.Recopilando cinco décadas de ciclismo

d.v.

El ciclismo oñatiarra estará el año que viene de celebración. En 2016 se cumplirán 50 años de la constitución de la sección ciclista del Aloña y de la primera Subida a Arantzazu. Aquella carrera el 28 de mayo del 1967, marcó el nacimiento del club ciclista en el seno de la gran familia numerosa que acabaría siendo el club deportivo Aloña Mendi, al amparo de la sede social inaugurada ese mismo año.

La primera directiva txirrindulari, capitaneada por Luis Mari Etxeberria, tenía ya una dilatada experiencia organizando pruebas, sembrada en el seno de la sociedad Txantxiku Txoko, que convirtió Oñati en un referente internacional. Pero, tras el éxito del campeonato del mundo, el fervor se había desinflado, y la subida a Arantzazu marcó el despegue de una nueva época, simbolizó el nacimiento de un club que en 1974 conquistaría con Mariano Altube el campeonato de España de Ciclocross, en 1975 sacó su primer equipo cadete, al año siguiente de juveniles, y en 1983, se independizó de la escuela del Alto Deba y formó la suya propia.

1977. Juniors con Lizarralde, que sería profesional, en sus filas. / ALOÑA

seguir leyendo.

«El club tiene su archivo pero no es tan amplio como quisiéramos y por eso pedimos la colaboración de la gente. Les animamos a que nos pasen las fotos, carteles, documentos... sobre ciclismo que tengan. Pueden hacerlo poniéndose en contacto con cualquier miembro de la directiva, o vía mail en txirrindularitzalona50@gmail.com».

Markel Eguna ospatuko dute zapatuan

2015/11/18.

GOIENA

Oihana Elorza 2015-11-17 09:54   KIROLA  OÑATI
Markelen Lagunarteak antolatuta, zapatuan egingo dute aurtengo Markel Eguna. Ohitura den moduan, Zubillagako Zotz tabernan izango da. Izena, baina, aurrez eman behar da. Eguaztena, bihar, da horretarako azken eguna.

Izena ematerakoan hamar euro ordaindu beharko dira. Toki hauetan apuntatu daiteke: Zotz, Izarraitz eta Oñati tabernak. Bazkaria 14:30ean izango da Zotz tabernan, Zubillagan.

MARKEL IRIZAR.

OK MAGAZINEA

2015-10-29 08:10:47

URTEKO BALANTZEA EGIN ZUEN ATZO OÑATI IRRATIAN

Markel Irizar: «Ez dut aitzakiarik jarri nahi, denboraldia ez da ona izan»

Markel Irizar Trek Factory Racing taldeko txirrindulariak elkarrizketa sakona eskaini zuen atzo Oñati Irratian. Ordu erdi iraun zuen elkarrizketan, amaitu berri den urteko balantzea egiteaz gain, etorkizunera begira ere jarri zen ziklista txantxikuarra. Ikasturte amaiera pixka bat hobea izan bada ere, denboraldia uste baino kaskarragoa izan dela onartu zuen.

Txirrindularitza profesionaleko oporraldia baliatuz, Markel Irizar txirrindularia Oñati Irratiko estudioetan izan zen atzo eguerdian. Trek taldeko ziklistak, patxadaz eta beragan ohikoa den gisan, zintzotasun handiz erantzun zien galdera guztiei. Autokritika eginez hasi zuen amaitu berri den denboraldiko balantzea. «Ez dut aitzakiarik jarri nahi, denboraldia ez da ona izan». Urteari nota bat jartzeko eskatu ziotenean, ondorengoa erantzun zuen Irizarrek: «Sei bat jarriko nioke denboraldiari. Urte amaierako garaipenek zertxobait txukundu baitute ikasturtea».

Azken urteetan aurrekontu murrizketa jasan du taldeak baina Irizarrek ez zuen denboraldi gora-beheratsua aldaketa honetan zentratu nahi izan. «Sky edo Tinkoff baino aurrekontu dexente xumeagoa daukagu, baina horrek ez du esan nahi beraien atzetik ibili behar dugunik. Ikusi bestela Movistar. Diru kopuru horiek mugitu gabe, pelotoiko nagusitza beraiena izan baita». Laudorio hitzak izan zituen Irizarrek, World Tourreko garaileen atzean lanean ari diren guztientzat.

Cancellara dependentzia

Trek taldeak orokorrean, baina batez ere, klasiketan aritzen den ziklista multzoak, suitzarrarengan dependentzia asko dauka eta aurten ez da "Spartacus"-en urtea izan. «Ez dugu zorterik eduki. Fabian oso ondo zegoen baina urteko momentu garrantzitsuetan izan dituen erorketek, gure lana erabat baldintzatu dute».

Tourrean izan zuen erorketa denboraldiko momenturik gogorrena izan dela ere jakinarazi zuen txantxikuarrak: «Oso momentu zaila izan zen. Pentsa, aurrean gindoazela, zuzendariak gelditzeko esan zigun Fabian ezinean zijoalako. Eta azken kilometroetan negar malkoak ezin eutsi zegoela, bultzaka eraman genuen Huy-ko helmugaraino»

Diskodun balaztak

Garaipenak lortu ez baditu ere, komunikabide guztietan protagonista izan zen eguna ere gogoan izan zuten atzoko elkarrizketan. Espainiako Itzulian, Kordoban hasi zen etapan, diskodun balaztak estreinatu zituen itzuli handi batean aurrenekoz, Markelek. «Egia esan ikusmin handia piztu zuen gaiak. Ni beti egon naiz prest taldeko ingeniariei laguntzeko eta iruditzen zait balazta mota hauek, etorkizunean zeresan handia emango dutela» zioen.

Dena den, oraindik etengabeko hobekuntza prozesu batean ari direla esan zuen eta epe motzean, sistema berritzaile honek hainbat aldaketa jasango dituela ere, baieztatu zuen.

Etorkizuna ilusioz

Markel Irizarrek 12 urte daramatza pelotoi profesionalean eta bere burua beteranoen taldetxoan sartzen badu ere, hasiberri baten ilusio berbera mantentzen duela adierazi zuen. «Taldekideek esaten didate, nire kasua ez dela normala. 36 urte betetzera noa eta oraindik lehen eguneko ilusioa daukat. Asko maite dut nire ofizioa» adierazi zuen.

Hasiera batean, 2016an amaitzen zaio kontratua, baina horrek ez dio ezinegona sortzen txirrindulari oñatiarrari. «Badakit kontratuz nire azken urtea dela, baina alde horretatik lasai nago. Dagoeneko taldearekin hitz egiten ari gara eta nik uste beste urte bat, edo agian pare bat luzateko moduan egongo garela. Momentu hauetan ez dut nire burua hemendik kanpo ikusten eta talde eta marka honen filosofia eta baloreekin, erabat identifikatuta sentitzen naiz» zioen.

Elkarrizketan zehar intereseko beste hainbat kontu azaldu zituen Irizarrek. Besteak beste, oporretako jai egunak nola antolatu dituen, gorpuzkera nola aldatu zaion, lehen kontratu profesionala non eta nola sinatu zuen…bezalako bitxikeriak kontatu zituen. Era berean, elkarrizketa amaieran, Euskal txirrindularitzaren egoera kezkagarriaz ere mintzatu zen txantxikuarra.

Erakunde publiko eta enpresei Murias taldeari laguntzeko eskatu zien, taldeak aurrerapausorik eman ezean, hemengo ziklisten etorkizuna urte gutxiren buruan «eten» egin daitekeela uste baitu. «Badakit krisi egoera baten ostean ez dela erraza eta gizartean behar asko daudela baina, Euskadi edo Basque Country marka, nekez salduko dugu hobeto munduan txirrindulari talde batekin baino. Euskaltel espiritua berreskuratu behar dugu Odriozolaren proiektu honekin».

Hemen daukazue elkarrizketa osoa entzungai:

Urteko balantzea egin zuen atzo Irizarrek, Oñati Irratian. Argazkiak: Graham Watson.

V Memorial Iban Altube

Hainbatentzat "inoizko ibilbiderik politena" izan da gaurkoa Iban Altuberen oroimenezkoan

Julen Iriondo 2015-10-11 15:47   KIROLA HARMAILATIK

175 lagunek hartu dute parte Iban Altuberen oroimenezko Oñatiko mendi bizikleta martxan. Altuberen etxekoei eskainitako aurreskuaren ostean, 36 kilometroko ibilbidea egin dute txirrindulariek –30eko motza ere bazen aukeran–. Umeentzat, berriz, 5 kilometro inguruko txangoa egon da, herriko baserri-auzoetan barrena.

•  Iban Altuberen omenezko mendi bizikleta martxa (112 argazki)

V Memorial Iban Altube

El 11 de Octubre del 2015 en Oñati tenéis una marcha BTT: V Memorial Iban Altube

• Fecha: 11 de octubre (domingo)
• Hora: 09:00 (a esa hora homenaje a Iban y después se dará la salida)
• Lugar: Oñati
• Recorrido: largo 36km y corto 30km

Salida de la plaza de Oñati, precio federados: 10€, no federados: 15€

Julen Umerez, AMPO taldean arituko da datorren denboraldian

OK MAGAZINEA

2015-09-24 07:16:30

GIPUZKOAKO RANKING-A IRABAZI BERRI DU GAZTE MAILAN

Julen Umerez, AMPO taldean arituko da datorren denboraldian

Eskertuta eta hunkituta. Horrela antzeman genuen atzo Julen Umerez Aloña Mendiko gazte mailako txirrindularia. Denboraldia amaituta, Oñati Irratiko mikroetatik pasa zen Gipuzkoako ranking-eko irabazle berria eta sasoiko errepasoa egiteaz gain, datorren denboraldian afizionatu mailako AMPO talde indartsuko kide izango dela jakinarazi zuen.

Distira edo garaipen asko lortu gabe, baina txirrindulari puska dela erakutsi du azken denboraldian Ulma Aloña Mendi taldeko Julen Umerez txirrindulariak. Erregularra eta beti aurrean ibiltzen den horietakoa. Gazte mailako bere azken urtean lortu dituen zenbakiak ikusi besterik ez. Lehiatu dituen lasterketa ia guztietan lehen hamar postuetan zeharkatu du helmuga txantxikuarrak eta erregulartsun horri, hiru podium gehitu behar zaizkio. Apirilean Zarautzen hirugarrena izan zen eta denboraldiko bere momenturik onena, uztailean iritsi zen. Mendaron esaterako, bere kirol ibilbideko lehen garaipena lortu zuen eta bi aste geroago, etxean jokatu zen Arantzazuko igoeran garaipena zentimetro bakarragatik galdu zuen; bigarrena izan zen.

Uztaileko lasterketetan pilatutako puntuek bultzada handia eman zioten Gipuzkoako ranking nagusiko sailkapenean, baina bere meritua, urte guztiko erregulartsunean egon da. Hori horrela, pasaden astean denboraldiko azken proban (Larratxon) bostgarrena izan ondoren ziurtatu zuen garaipena Umerezek. Aloña Mendiko txirrindulariak 180 puntu batu ditu guztira eta sailkapenean bigarren izan den Oier Ibargurenek (172) baino zortzi puntu gehiago pilatu ditu. Hirugarrena, Ander Amonarriz (145) dexente atzerago gelditu da. Sailkapenhonekin jarraituz, aipatzekoa da Xabier Murgiondok lorturiko seigarren postua. Oñatiarra gazte mailako lehen urteko ziklista da eta denboraldi oso ona burutu ostean, 101 punturekin bere adinekoen artean, bigarren onena izan da.

Balantze positiboa

Denboraldia amaituta eta Ranking-eko garaipena poltsikoratuta, Oñati Irratiko estudioetatik pasa zen atzo Julen Umerez. Oso pozik azaldu zen garaipenagatik eta neurri handi batean, urteko helburuetako bat zela onartu zuen. «Azken urteetan nola ibili naizen ikusirik, egia esan, espero nuen aurrean ibiltzea. Baina garaipena lortzea handia izan da. Sailkapen honek urteko erregulartasuna saritzen baitu» zioen.

Mendaro eta Arantzazuko lasterketak, inflexio puntu izan dira Aloñako ziklistarentzat. «Bi proba hauetan puntu asko pilatu nituen eta hor hasi nintzen benetan sailkapen hau irabazi nezakela sinesten». Urtea oso ona izan bada ere, momentu zailak bizi izan dituela ere jakinarazi zuen: «Denboraldi hasieran esaterako, ez nuen pedal kolpea bilatzen eta momentu batzuetan negar eta dena egin nuen. Ez nintzan gustora sentitzen nire buruarekin. Baina egun batetik bestera, egoera aldatu eta sekulako konfidantza irabazi nuen». Errekuperazio prosezu honetan, etxekoek izan duten garrantzia azpimarratu nahi izan zuen.

Sorpresa eta etorkizuna

Saio amaieran ustekabeko ederra jaso zuen Umerezek. Markel Irizar txirrindulariak zorioneko mezu bat utzi baitzion elkarrizketan zehar ziklista txantxikuarrari. «Hitzik gabe gelditu naiz. Markel idolo bat da neretzat eta sekulako detailea izan da» azaldu zuen esker onez.

Elkarrizketa amaieran berriz, eguneko titularra utzi zuen Umerezek: «Datorren urtean AMPO Goierriko txirrindularitza bultzatuz taldean ariko naiz. Oso eskertuta nago bai beraiei eta baita Gary Bañosi. Fitxaketa gauzatzerakoan asko lagundu didate eta». Afizionatuetako lehen denboraldia erronka handia izango dela ere onartu zuen. «Niretzat ohore bat da afizionatu mailan dagoen talde erreferente batean aritu ahal izatea eta egia esan, erronka oso polita daukat aurretik» adierazi zuen. Ondo merezitako atseden egunak hartu ostean, urtea amaitu aurretik, pedalei astinduz hasi beharko du berriz ere Umerezek.

Denboraldiko balantzea eta batez ere etorkizunean izango dituen helburuei begiratuz amaitu zuten atzoko elkarrizketa mamitsua. Entzuterik izan ez bazenu, hemen beheko podcast-ean daukazue solasaldi guztia:

Umerez, Gipuzkoako ranking-eko onena izan da. Argazkia: Teresa Lopez de Abetxuko

XXVIII OÑATI PROBA

Garaipen batekin ospatu du Alex Aranburuk urtebetetze eguna

Xabi Urzelai 2015-09-19 14:06   KIROLA  DEBAGOIENA  OÑATI

Cafes Baque taldeko Alex Aranburuk –debagoienean beste ziklista bat dugu izen-abizen berberaz– ez du gaurko eguna tarte batean ahaztuko, 20 urte bete dituen egunean lortu duelako Oñatin irabaztea, Lehendakari Txapelketa barruko lasterketan. Tarta ederra merezi du Ezkioko txirrindulariak, tropela atzean utzi duten hiru gizonen artean azkarrena izan da-eta. Zorion bikoitzak, bada. 

Alex Aranburu irabazlea, eta ondoan Asier Unanue eta Julen Amezketa. |  Ikusi handiago |  Argazki originala

Ads by Magical FindAd Options

Alex Aranburu izan da Oñatiko esprintean azkarrena. Cafes Baquek aukera bikoitza zuen azken metroetan, haren taldekide Julen Amezketa ere "saltsan" zegoelako, eta Caja Ruraleko Asier Unanue (Caja Rural) zeukaten kontrario, hain zuzen, iaz ere bigarren sailkatu zen gizona. Aranburuk, baina, aurrea ondo hartuta irabazi du. Taldeka, ostera, Caja Ruralendako izan da saria. 

Debagoiendar onena, ostera, Mikel Aristi bergararra (Euskadi EDP) izan da, hamaikagarren postuan.

Hemen sailkapena.

Ziklistak ihesaldian lan betean.

Ezkerretik hasita Asier Unanue, Alex Aranburu eta Julen Amezketa.

28 Oinati saria

Datorren zapatuan irailak 19an,Afizionatu mailako txirrindularientzako 28 Oinati saria jokatuko da,Lehendakari txapelketa :23 urteko azpikoen mailan.

Irteera,Unibersitate parean izango da 10.00etan eta bertan amaituko da 12:30 aldera.

Rutometroa

XVI. UDAZKENEKO KRITERIUMA

 

XVI. UDAZKENEKO KRITERIUMA

2015eko Irailak 12 eta 13

OÑATI - IBARRA 

 

 

IRABAZLEA

ASIER ETXEBERRIA (QUESOS ALBÉNIZ)

  

SAILKAPEN OROKORRA

1.	ASIER ETXEBERRIA	QUESOS ALBÉNIZ	04:48:31-049
2.	XABIER MURGIONDO	ULMA	04:48:31-084
3.	KOLDO VELASCO	ANDOAINGO T.E.	04:48:33-050
4.	OIER IBARGUREN	ATRACCIONES SANZ	04:49:15-018
5.	ARITZ KORTABARRIA	BOLINTXO OKINDEGIA	04:49:27-063

   SAILKAPEN OROKORRA (OSOA)   

  

---

ETAPETAKO SAILKAPENAK

			SAILKAPENA	ARGAZKIAK
2015-09-12	10:00 H.	OÑATI (1. Etapa)
2015-09-12	17:00 H.	OÑATI (2. Etapa) ERLOJUPEKO PROBA
2015-09-13	10:00 H.	IBARRA (3. Etapa)

57.MIKEL DEUNAREN SARIA.

GOIENA

Irabazitako maillota defendatu beharko duMurgiondo oñatiarrak

Jagoba Domingo 2015-09-12 22:30   KIROLA  OÑATI

Arratsaldeko erlojupeko lasterketan azkarrena Eneko Aramendia nafarra izan den arren, 14:39ko denborarekin, Murgiondo oñatiarra izan da eguneko txirrindulari erregularrena. Laugarren postua lortu du Murgiondok goizeko lasterketan eta arratsaldeko erlojupeko lasterketan; lehenean 2:15:51ko denbora egin du eta bigarrenean 14:59ko denboran egin du 10 kilometroko ibilbidea. Udazkeneko Kriteriumeko maillota beraz, etxean geratu da gaur. Umerezek eta Kortabarriak ere marka onak lortu dituzte; Umerez oñatiarra goizean 6. postuan heldu da helmugara eta arratsaldean 12. sailkatu da, Kortabarria antzuolarra ostera, goizean bosgarren heldu da metara eta erlojupekoan 9. azkarrena izan da.

Erlojupeko lasterketa ikusgarria izan da Oñatin jokatu dena, 103 txirrindularik barruak hustu dituzte 10 kilometroko ibilbidea ahalik eta azkarren egiteko asmoz. Ikusle eta zale asko batu dira errepide bazterretan, batez ere Etxe Aundi jatetxetik aurrera txirrindulariak animatzeko gogotsu, eta nola ez, etxekoei bultzada berezia eman diete, hala aitortu du Umerezek. Kadete eta gazte mailako ziklistek goizean 88 kilometro egin ostean ere, indarrez heldu dira arratsaldeko lehiara eta irudi politak utzi dituzte, batez ere, Satipillaurako malda gogorrean eta hilerri ondotik behera ziztu bizian jaisten helmugara bidean.

Esan bezala, etxeko korrikalariak, Murgiondok jantzi du Udazkeneko Kriteriumeko maillota gaurkoan eta bihar, Kriteriumeko hirugarren etapan defendatu beharko du Umerez eta Txintxurreta taldekideen laguntzaz Ibarra. Pozik zegoen Murgiondo erlojupekoa amaituta, hala ere, goizeko lasterketa gutxigatik ihes egin diola esan du, eta Oñatin podiuma egiteko gogoz geratu den arren, lan polita egin du progresio handia egin duen lehenengo urteko jubenilak Kepa Umerezek, Aloña Mendiko txirrindularitza saileko presidenteak, esan duen bezala. Antolatzaileak ere pozik amaitu dute egunak eman duenarekin, bi lasterketa egun bakarrean antolatzea ez da lan makala eta laguntzaile guztiei eskerrak eman nahi izan dizkie Umerezek.

Udazkeneko Kriteriumeko sailkapen orokorrean lehenengo hamar txirrindularien artean daude hiru Debagoienar hauek; Murgiondo lehehengo; Kortabarria bosgarren 14 segundotara eta Umerez seigarren, 17 segundotara.

•  Erlojupeko lasterketa Oñatin (54 argazki)

Xabier Murgiondo irabazle

ok magazinea.

2015-09-07 11:26:31

SAILKAPEN NAGUSIAN LAUGARREN IZAN ZEN

Xabier Murgiondo irabazle, Lierniako kriteriumeko erlojupekoan

Aloña Mendiko gazte mailako txirrindulariek sasoiko jarraitzen dute. Abuztuko hilea pasa ostean, denboraldiko azken txanpan murgildu dira Ulma taldeko ziklistak eta asteburu honetan, beste behin, maila oso onean aritu dira. Xabier Murgiondok esaterako, Liernian jokatu den mendiko kriteriumeko erlojupekoa irabazi zuen. Julen Umerez berriz, Sabiñanigon jokatu zen Espainiako jubenil mailako txapelketan lehiatu zen Euskadiko selekzioarekin.

Iraileko lehen asteburuak albiste onak utzi dizkigu txirrindularitzan. Ulma Aloña Mendiko gazte mailako ziklistak, denboraldiko azken pedalkadak ematen ari dira baina badirudi indarrak oraindik soberan dituztela. Izan ere, urte guztian gertatu den bezala, asteburu honetan ere, protagonista izan ditugu Oñatiko txirrindulariak.

Atzo goizean XXXIV. Lierniako Saria jokatu zen Gipuzkoako herrixka dotorean. Zita bikoitza osatu behar izan zuten goizean txirrindulariek. Goizeko 9:30etan errepideko proba izan zuten. 55 kilometroko zirkuituan Limousin taldeko Unai Iribar izan zen azkarrena. Lehia oso azkarra eta bizia izan zen, ikusi besterik ez, garaileak atera zuen bataz bestekoa (38,11 km/h). Oñatiarren artean onena, Xabier Murgiondo (11.) izan zen, garailearengatik ia bi minutura zeharkatu zuen helmuga arrastoa Ulma taldeko txirrindulariak. Ekaitz Txintxurretak ere parte hartu zuen eta 31. helmugaratu zen.

Eguerdian (11:45) berriz, erlojupekoa osatu behar izan zuten eta proba motz honetan onena Xabier Murgiondo oñatiarra izan zen. Ulma Aloña Mendiko ziklistak 7:54 segundutan osatu zuen ibilbidea eta 3 segunduko aldea atera zion bigarren sailkatua izan zen Luis Mari Garikano Limousin taldeko ziklistari. Erlojupekoan aritu ziren 30 ziklisten artean Ekaitz Txintxurretak ere lan txukuna egin zuen. 22. postuan helmugaratu zen bere taldekidearengatik 55 segundutara. Aipatu baita ere, bi emaitzei esker, Murgiondo kriteriumeko sailkapeneko laugarrena izan zela.

Umerez Espainiako Txapelketan

Taldekide batzuk Lierniako proban ari ziren bitartean, Julen Umerez Espainiako junior mailako txapelketan lehiatu da asteburuan. Euskadiko Selekzioko ordezkari gisa izan da bertan Umerez eta esperientzia oso aberasgarria izan da Aloña Mendiko ziklistarentzat.

Estatu osoko txirrindularirik onenak elkartu ziren Hueskako probintzian eta irteera lerroan abiatu ziren 138. ziklisten artean, 74. postua eskuratu zuen txantxikuarrak. 110,5 km zirkuitua izan zuten eta guztien artean onena, Valentziako Alejandro Gómiz izan zen. 42,2 km/h bataz bestekoa atera zuen irabazleak eta Umerezek garailearekiko 2:48 atzerapena izan zuen helmugan.

Denboraldi amaiera

Gogoratu beharra dago, denboraldi amaierara iristen ari garen honetan Umerez, Gipuzkoako ranking-eko txirrindularirik onena delan. 168 punturekin sailkapeneko lehen postuan gogor jarraitzen du Aloña Mendiko ordezkariak. Bigarrena (Oier Ibarguren) 21 puntura eta hirugarrena (Ander Amonarriz) 33 puntura ditu Umerezek. Denboraldia amaitzeko 2 prueba falta dira; larunbatean Oñatin eta igandean Ibarran jokatuko den udazkeneko kriteriuma eta irailaren 19an Larratxoko Saria.

Murgiondok garaile izan zen atzo Lierniako erlojupekoan. Argazkiak: M.Zuazubisk

57.MIKEL DEUNAREN SARIA.

Aurten udazkeneko kriteriuneko lehenengo bi etapak ospatuo dira Oñatin..Bertan Jubenil mailako eta kadeten mailako bigarren urteko txirrindulariek hartuko dute pate.

Lehengo etapari goizeko 10:00etan emango zaio hasiera,non 88 kilometro egin behar izango dute.

Bigarren etapa arratsaldeko 17.00etan hasiko da eta hemen 10.1 kilometro-ko erlojupekoa jokatuko da.

100 txirrindulari inguru parte hartzea espero dute antolakuntzakoek.Bertan lau Oñatiar arituko dira.

Oñatikoak sasoi onean iritxiko dira.Julen Umeraz aste bukaera hontan Sabiñanigon Euskadiko selekzioarekin egon da,Españako txapelketa jokatzen.Xabi Murgiondok,aste bukaera honta berriz,Mendiko kriteriunko elojuaren aurka proba IRABAZI DU eta sailkapenean lau garren sailkatu da.

Ekaitz Txintxurreta eta Andoni Igartua ere gogotxu eta indartsu daude,etxian lan ona egiteko asmoz.

UDAZKENEKO KRITERIUMA (1ª etapa en línea)

UDAZKENEKO KRITERIUMA (2ª etapa CRI)

XXXIV LIERNIA SARIA VII MENDI-KRITERIUMA LIERNIA - 2015-09-06

Hoy doble sesion de carrera etapa de 55 km con tres subidas a Lierni y una a Zerain y luego C.R.I con subida a Lierni donde Xabier Murguiondo ha sido el ganador y cuarto en la clasificación general.
Aupa equipo y Aupa Xabi!!!!!!! Zorionak!!!!!

Orain arte protagonismoa edukita, ihesaldiak eta erlojupekoa ditu buruan Markel Irizarrek

goiena

Julen Iriondo 2015-08-30 20:58   KIROLA  ARRASATE  DEBAGOIENA  OÑATI

Domekan, Cumbre del Sol-en amaitutako Vueltako bederatzigarren etaparen ostean erantzun dio txirrindulari oñatiarrak Goienaren deiari. Lasterketako lehen astean protagonista izan da Irizar, laugarren etapako ihesaldiaren ondoren txirrindulari lehiakorrenaren saria eman ziotelako, batetik, eta disko-galgadun bizikleta ibili duelako bi aldiz proba modura, bestetik. Nekatuegi ez dagoela eta, indarrez iritsi nahi du hamazazpigarren etapako Burgosko erlojupekora; beste ihesaldiren bat hartzeko itxaropena ere badu. Taldearentzat, berriz, aitortzen du lasaitua izan zela atzo irabaztea, nahiz eta egunak zapore gazi-gozoa utzi.

Markel Irizar, Vueltako podiumean, lehiakortasunaren saria jasotzen. |  Argazki originala

"Kristoren paretatzarra zen", zioen Irizarrek, behin taldeko kotxean, bederatzigarren etapako amaierari buruz. Atzodanik, bai taldea eta bai bera, lasaiago, Jasper Stuyven taldekidearen garaipenagatik, nahiz eta aitortu gazi-gozoa izan zela atzoko eguna, eta ez zuela lagunaren garaipena nahi bezala dastatu, bi arrazoigatik: Stuyvenek berak etxerako bidea hartu behar izan zuelako etapa amaieran –eskafoidea apurtuta; hala irabazi zuen–, eta Kris Boeckmans belgiarraren eroriko larriaren lekuko izan zelako –Trek taldeko bost erori ziren Lottokoaren eroriko berean, tartean bera eta eskafoidea hautsi zuen Stuyven–.

Taldekideari buruz dio: "Jasperrek irabazi zuenean pentsatu genuen: 'Orain ondo dagoela, agian irabazi ditzake beste bat edo bi, ze esprinterrik ez dago". Baina lasterketa utzi behar, "faena". Erorikoari buruz, "ia shock egoeran" geratu zela dio, Boeckmans ikusita: "Pentsatzen nuen hilda zegoela; ikaratuta".

"Oso egun txarra" pasatu zuela dio: "Ez nuen batere gozatu garaipena".

Dena dela, bestela, onartzen du Irizarrek garaipena primeran etorri zaiola taldeari: "Estresa genuen; ez dugu asko disfrutatu orain arte, eta ederki datorkigu". Aurrera begira, sailkapen nagusirako txirrindularirik gabe, ihesaldietan sartzen eta beste etaparen bat irabazten saiatuko direla dio oñatiarrak; gaur sartu dute gizon bat ihesaldian: "Bihar ere saiatuko gara".

Falta denerako itxaropentsu

Bera, pertsonalki, nahikoa ondo dagoela dio: "Tourra eta gero ez da erraza, ze ez dut prestaketa hoberena egin, ze hiru aste izan ditut atseden hartu eta entrenatzeko; baina espero baino hobeto nago. Aurtengo bigarren handia da, eta saiatzen ari naiz ahal dudan dena gordetzen, ihesaldian ez nagoenean edo taldekideak kokatu ditudanean ahal den lasaien hartzen, ahal den indar gutxien gastatzen, erlojupekoa topera egiteko asmoa dudalako, Burgoskoa, eta esperantza badut oraindik beste ihesaldi baten ere sartzeko". Dio berriz ihesaldian sartzen bada eta ihesaldia helmugara iristen bada, indar guztiak ondo etorriko direla, "errematatu nahi izanez gero". Oso nekatuta ez dagoela dio: "Esperantza badut oraindik mugitu ahal izango dudala, eta zerbait irtengo dela".

Laugarren etapako ihesaldian sartu zen Trekekoa, eta 200 kilometro egin zituzten tropelari aurrea hartuta, amaieran irentsiak izateko, hori bai; baina: "Nahikoa ondo sentitu nintzen. Sentsazio nahikoa politak ditut. Orain arte ihesaldi bakarra iritsi da; nik uste laster hasiko direla iristen, agian bihar, eta bihartik aurrera, Andorran ezik, aukerak egongo dira, eta nik uste ondo iritsiko naizela. Eta behin ihesaldian egonda, indarrek erabakitzen dute, baina zorte kontua ere bada".

Irizar protagonista izan da, baita ere, proba modura disko-galgadun bizikleta ibili duelako seigarren eta zortzigarren etapetan. Probarekin gustura geratu da Irizar: "Oraindik gauza batzuk fintzeko daude; adibidez, astunagoak dira, kilo erdi gehiago dute"; baina "etorkizuna" hortik joango dela dio oñatiarrak.

Vuelta a España con frenos de disco

CICLISMO A FONDO

VUELTA A ESPAÑA 2015

Markel Irizar disputará la etapa de hoy de la Vuelta a España con frenos de disco

Markel Irizar será el primer ciclista en la historia en disputar una etapa de una gran vuelta con una bicicleta con frenos de disco.

Hoy, por primera vez en la historia, un ciclista disputará una etapa de una gran vuelta con una bicicleta con frenos de disco. El elegido ha sido Markel Irizar que como el mismo nos explicaba en la salida es el encargado de probar el nuevo material del equipo Trek Factory Racing.

Para la ocasión, el conjunto estadounidense ha montado los frenos de disco hidráulicos de Shimano en una Trek Domane con la que el ciclista vasco recorrerá los 200 kilómetros de la etapa de hoy. Esta prueba, no será la primera que se realizará dentro del calendario World Tour pues ya en el pasado Eneco Tour, el conjunto Sky utilizó frenos de disco en su Pinarrelo Dogma F8.

Estas primeras pruebas que están realizando los equipos en competición con los frenos de disco corresponden al desbloqueo del uso de los mismos que la UCI anunció en el pasado mes de abril. El máximo organismo del ciclismo mundial autorizó a los equipos a probar durante dos carreras, a su elección, los frenos de disco durante el mes de agosto y septiembre, probaturas que continuaran durante toda la temporada 2016 y si el resultado es satisfactorio, los frenos de disco quedarán definitivamente instaurados en 2017.

Markel Irizar, el encargado de realizar el test en la jornada de hoy, declaraba que su mayor preocupación es que “en caso de caída los discos pueden cortar o quemar a algún ciclista”.

BOLINTXO-ULMA.

GOIENA

200 gazteren artean, onenetarikoak Debagoienekoak

Ubane Madera 2015-08-12 18:10  ANTZUOLA  DEBAGOIENA  OÑATI

Estatu osoko 200 txirrindulariren artean bigarren postua lortzea. Horixe erdietsi du Debagoieneko Bolintxo-Ulma taldeko Aritz Kortabarria txirrindulari antzuolarrak. Harekin batera taldea osatu zuten gainontzeko lau lagunek gogor borrokatu zuten emaitza hori eskuratzen laguntzeko. Izan ere, 80 kilometrotik gorako ibilbideak izan dituzte aurrez aurre, 35 gradutik gorako tenperaturekin eta etapatako baten helmuga, esaterako %28ko malda baten amaieran zutela.

Lau etapatako lasterketa joan den zapatuan bukatuta, dagoeneko etxean dira Bolintxo-Ulma taldea osatu zuten 17-18 urteko bost gazteak, horietatik bi oporretara ere joanda.

Edozein modutan, guztiak ere, atseden hartzen, ondo merezitako atsedena, ezen, gogor eragin behar izan zieten pedalei Nafarroa inguruan, nahiz eta gero, hori bai, etxeratutako emaitzarekin gustura asko egon, eurek kontatzen duten moduan.

Bolintxo-Ulma, estreinekoz

Lehenengo aldia da Debagoienetik Bolintxo-Ulma txirrindulari taldea osatzen dela. Propio egin dute hori Iruñerriko Itzulian parte hartzeko, lasterketak eskatzen zituen gutxienekoak bete ahal izateko. Hain justu ere, Bergarako Lokatzako eta Oñatiko Ulma-Aloña Mendiko txirrindulariak dira Bolintxo-Ulma taldearen izenean korritu dutenak.

Entrenatzaileak eta zaleak

Txirrindulari gazteek aitortzen dute eurek lasterketan egin behar izan duten ahalegina, baina euren gidari izan diren entrenatzaileak ere ondo gogoan dituzte, eta baita ere, Iruñerriko Itzuliak iraun duen lau etapatan Debagoienetik Nafarroara joan diren zaleen animoak ere.

Egindakoak eginda, aurrera begira jarrita daude dagoeneko kirolariak. Aurrerantzean bakoitzak bere taldearekin jardungo du. Esaterako Aloñako Julen Umerezek eta Xabier Murgiondok oraingo egubakoitzean bertan dute hurrengo hitzordua, Azkoitian, Euskal Herriko trofeoari dagokion lasterketan.

Egunero edo ia egunero

Eta behin udako lehiak pasatuta, denboraldi berriari begira jarrita daude gazte txirrindulariak. Aritz Kortabarriaren eta Julen Umerezen kasuan aldaketa datorkie, lehia gogorragoa, gazte mailatik 23 urtez azpikoen mailara pasatzen direlako.

Xabier Murgiondori dagokionez, berriz, aurtengo esperientzia aberatsa eta berarendako berria izan dena baliatua jardungo du beste urte batez gazteen mailan.

Martxoan hasiko zaizkie denboraldi berriko probak. Bien bitartean, egunero edo ia-ia egunero izango dute bizikletarekin kilometroak egiteko hitzordua.

BOLINTXO-ULMA.Iruñerriko Itzulia

GOIENA

Aldapa eta bero handia, Iruñerriko Itzuliko hirugarren etapan

Ubane Madera 2015-08-07 09:07   KIROLA  DEBAGOIENA

Aldapa eta bero handiari aurre egin behar izan zieten atzo Bolintxo-Ulma taldeko Debagoieneko txirrindulari gazteek. Hala ere, eta oztopoak oztopo, Aritz Kortabarria eta Julen Umerez aurreneko postuetan sartu dira azken igoerara. Kortabarriak sailkapeneko 10. postua mantentze du. (Ander Telleria San Torcuatoren kronika)

Gogotsu irten dira txirrindulariak hirugarren etapan. Gaurkoan etapa gogorra izan dute, ibilbide gaiztoekin eta amaiera maila bereziko mendate batean, %28-ko maldak zituena. Gainera, termometroa 39ºC-tara iritsi da etapan zehar. Lehen kilometroak pasa ondoren, ihesaldi bat sortu da, baina Bolintxo-Ulma taldekoek ondo kontrolatu dute etapa guztian zehar. Horrela, azken igoerara Aritz Kortabarria eta Julen Umerez taldearen aurrealdean sartu dira. Antzuolarra 49 segundotara heldu da, eta oñatiarra 1min eta 8s-tara. Sailkapen orokorrari dagokionez, 10. postua mantentzen du Aritzek.

Ikusi argazki guztiak handiago

Bikain amaitu dute Debagoieneko txirrindulariek Iruñerriko Itzuliaren lehen etapa

Ubane Madera 2015-08-05 10:56   KIROLA  DEBAGOIENA

Aurtengo itzuliko lehenengo etapan anbizio handiarekin irten dira Bolintxo-Ulma taldeko txirrindulariak. Bai Euskal Herrian eta baita Valladolid-en izandako azken lasterketetan ikusi den bezala, maila oneko txirrindulariak aurkeztu ditu taldeak Gaztelu plazako irteeran. Lehenengo etapako helburua eguna arazorik gabe pasatzea zen, eta bikain amaitu dute txirrindulariek. Lasterketa hasieran izan den sprint berezian, Ekaitz Txintxurreta bigarren pasa da, baina arazo mekanikoak medio, karreratik kanpo geratu da. (Ander Telleriaren kronika).

Bolintxo-Ulma taldeko txirrindulariak. |  Ikusi handiago |  Argazki originala

Bestalde, eguneko ihesaldian Ekaitz Txintxurreta bera, Julen Umerez eta Xabier Murgiondo oñatiarrak sartu dira, eta Umerezek mendatean lortutako bigarren postuari esker, mendiko sailkapenean bere aukerak erakutsi ditu.

Etapa amaierari dagokionez, Aritz Kortabarria antzuolarra esprintean sartu da, laugarren postua lortuz. Taldekako sailkapenari dagokionez, bosgarren sailkatu da Debagoienako talde konbinatua.