Rallysprint Gabiria 2016 Best Of Rally Pure Sound

Oñatiarrak:

- 5.  Oñatiko Udana Aut. Kirol Taldea      David Ardions - Iosu Aguirre
           
         Klase 3-ko irabazle.

- 11.  Euskadi Racing                                Asier Mugarza - Erik Fuente

         Klase 5-ean 3.

- 15. Oñatiko Udana Aut. Kirol Taldea    Asier Samaniego - Unai Barrena

        Klase 5-ean 6.

-       Durangalde Racing Elkartea            Ekain Eizagaetxeberria - Maider Usandizaga

        Klase FL-n 4.

- 37. Oñatiko Udana Aut. Kirol Taldea    Iker Arizti - Joseba Astondoa

       Klase 1-ean 2. eta Junior kategorian 2.

CLASIFICACIONES

2015 RED BULLE ROMANIACS HARD ENDURO RALLIE.

OK MAGAZINEA

2015-07-24 20:20:38

GORKA GURIDI ETA XABIER ARNAIZ PILOTUAK HAN IZAN DIRA

Bi oñatiar, Errumaniako Romaniacs proba entzutetsuan

«Amets bat bete dugu». Hori da hain zuzen ere Errumaniatik etorri berritan, Xabier Arnaiz eta Gorka Guridi pilotuek onartu zutena. Pasaden astean zehar, mundu mailako ikuskizun gogorrenetarikoa den Romaniacs izeneko enduro proba entzutetsuan lehiatu ziren bi txantxikuarrak. Arnaizek istripu baten ondorioz, ez zuen txapelketa amaitzerik izan. Guridik ordea, maila bikaina eman zuen eta 42. postuan amaitu zuen lasterketa. Biek ala biek, Errumanian bizi izandako esperientziaren berri eman zuten atzo Oñati Irratian.

Muturreko endurozaleen paradisu bezala ezagutzen dute motor-zaleek Errumanian jokatu berri den Romaniacs izeneko proba. Pasaden astean zehar (uztailak 14tik 18ra) lehiatu zen eta bertan egon ziren mundu guztiko pilotuen artean, bi oñatiarrak izan ziren. Xabier Arnaiz eta Gorka Guridi txantxikuarrek aspalditik zuten buruan horrelako bidaia bat antolatzea eta zorionez, aurten, ametsa gauzatzeko aukera izan dute. «Oso zaila da horrelako proba batera joatea. Bidaia oso garestia delako» zioen Arnaizek. «Hala ere, garbi geneukan Errumaniara noizbait joan nahi genuela eta urtean zehar dirua batzen ibili ostean, aurten joateko erabakia hartu genuen».

Bidaia hegazkinez egin zuten Arrasateko lagun batekin batera eta motorrak errepidez eraman zizkieten Errumaniaraino. «Alde horretatik oso erosoa izan da guztia. Guk hegazkinez egin dugu bidaia eta era honetako probetan espezializatutako enpresa batek eraman zizkigun motorrak eta gainontzeko materiala bertaraino» zioten pilotuek.

4 egunetako proba

Red Bull Romaniacs 2015 proba lau egunetan zehar jokatu zen, Iron (profesional maila) edo Silver (semi-profesional edo amateur maila) modalitatetan banatuta. Bi oñatiarrek azken honetan parte hartu zuten eta era guztietako oztopo eta ibilbideak gainditu behar izan zituzten. Inguruan egiten dituzten probekin alderatuta, oso ezberdinak izan direla onartu zuten: «Hemen egiten ditugunekin alderatuta ez daukate zerikusirik» adierazi zuten.

Hori horrela, Arnaiz eta Guridik bizi izan duten esperientzia «izugarria» izan dela esan zuten. Arnaizen kasuan, arantza txiki batekin itzuli da Errumaniatik. Lehen egunetan adar bat sartu zitzaion begietako batean eta zoritxarrez, ezin izan zuen proban aurrera egin. Guridik ordea, 42. postuan amaitu zuen Silver kategorian etafinisher izatearen sariarekin bueltatu da etxera. «Xabi erretiratu zenetik ezberdina izan zen guztia. Hasieran oso arraro sentitu nintzen. Proba guztia elkarrekin egiteko asmoa geneukan eta azken egunetan bakarrik aritzea ez zen erraza izan» zioen. Hala ere, proba ondo amaitzeko aukera izan zuen Guridik.

Elkarrizketa amaieran, urteko errepaso azkar bat eta gaur egun, duten egoeraren berri eman zuten bi oñatiarrek. Garbi dago Romaniacs probak, pilotu, motor eta ibilbideko zailtasunen borroka itzela utzi duela. Hala ere, enduroarekiko maitasun eta gorroto historio hau ez da hemen amaitzen. Izan ere, bi protagonistek garbi utzi zuten beste urteren batean bueltatzeko asmo garbia dutela. Beraiek bakarrik dakite bertan bizi izan dutena eta denborak aurrera egin ahala, erronka berri baten bila hasiko dira seguraski.

Elkarrizketa guztia entzuteko, sakatu beheko podcastean:

Proba gogorrak zeharkatu behar izan zituzten. Argazkia: www.enduropro.co

Udanako igoera

Joseba Iraola azkarrena Aitor Zabaletaren aurretik, euriak erabat baldintzatutako Udanako igoeran

Jokin Bereziartua 2015-06-14 16:53   KIROLA  OÑATI

Aitor Zabaleta Udanan gora, atzo. Argazkilaria: Asier Some. 

Joseba Iraola izan zen azkarrena (02:49.683) atzo Udanako igoeran. Aitor Zabaleta bergararra bigarren sailkatu zen, Iraolarengandik hasperen batera: 02:49.762. Euria izan zen erabateko protagonista, hainbatek txapa istripuak izan zituzten. Bigarren itzulia bertan behera geratu zen 25 bat autoren faltan, izan ere, pilotu batek motorra apurtu eta olioa isuri zuen barra-barra ibilbideko azken tartean: "Istripu txikiek eragindako atzerapenagatik eta ondoren zirkulaziora zabaltzeko segurtasuna bermatzearren bigarren itzulia ez kontabilizatzea erabaki dugu". 

Antolakuntzako Sergio Gilek aitortu duenez, ikuslearendako "astuna" izan zen aurtengo Udanako igoera: "Euriak eraginda istripu txiki asko izan ziren eta horrek asko atzeratu zuen proba. Ikusle moduan egoteko ere ez zen girorik eta ohi baino jende gutxiago egon zen". 

Udana cortado al tráfico

El puerto de Udana permanecerá cerrado al tráfico hoy desde las 12.45 horas debido a la celebración de la prueba automovilística que lleva su nombre. La circulación se restablecerá a las 20.30, una vez finalice la carrera, que cuenta con 72 vehículos inscritos y una nutrida participación local.

Los primeros síntomas de la fiesta del motor se dejarán sentir de 10.30 a 12.30 en el parking de Enpresagintza con las verificaciones de los vehículos inscritos. Los aficionados podrán contemplar los vehículos participantes mientras se realizan los trámites administrativos y técnicos obligatorios para participar.

La carretera ocupará el barrio de Olabarrieta por la tarde para que a las 15.00 tome la salida la manga oficial de entrenamientos y, a continuación, las dos subidas oficiales que marcarán los tiempos scracth para determinar la clasificación final. La entrega de premios será a las 20.00.

Oñatiko I. Eslalomean

OK MAGAZINEA

Automobilismoa

2014-11-24 08:56:32

Unai Billar izan zen oñatiar onena

Raul Perez nagusi, Oñatiko I. Eslalomean

Automobilismo zaleek goiz ederra pasa zuten atzo, Berezaoko industrialdean. Oñatiko Udana motor taldeak lehendabizikoz, Slalom erako lasterketa ekarri zuen herrira eta ikusitakoaren arabera, proba benetan arrakastatsua izan zela esan daiteke. Zaletuek asko gozatu zuten pilotuek erakutsitako abilezia eta maniobra ikusgarriekin. Guztira hemezortzi pilotuk eman zuten izena atzoko proban eta onena, Durangaldeko Raul Perez izan zen.

Gipuzkoako eta Euskal Herriko txapelketetarako puntuagarria izan zen atzokoa. Entrenamendu manga bat eta beste bi ofizial osatu behar izan zituzten pilotuek. Hemezortzi parte-hartzaileak gustora aritu ziren eta zaleek ere, erantzun oso ona eman zioten Slalom-aren lehen edizioari. Minutu eta hamar segunduko kronoarekin, Durangaldeko Raul Perez izan zen piloturik onena.

Beste kategorietako emaitzak hauetxek: 1.600 zentimetro kubikorainoko autoetan, David Calvo izan zen onena. Hortik gorakoetan, Victor Calvo izan zen azkarrena. Atzeko trakziodunen mailako saria, Raul Perezek eskuratu zuen eta Kart Krosean, garaikurra Jagoba Garciarentzat izan zen. Unai Billar oñatiarrak ere, lan bikaina egin zuen Kart Krosen. Kategoriako garaipenetik segundu bakarrera gelditu zen eta lan bikain horri esker, Junior mailako garaikurra eta oñatiar onenarena ere jaso zituen herriko pilotu gazteak.

Slalomean azkarra izatea garrantzitsua da, baina automobilismoko modalitate honetan abileziak berebiziko garrantzia izaten du. Bi faktore hauen konbinaziotik, momentu benetan ikusgarriak bizi izan ziren Berezaoko zirkuituan. Amaieran, antolakuntza taldeko kideek balorazio positiboa egin zuten.

Probaren bideo erreportaia ikusi nahi izatera sakatu [hemen]. Egilea Ixmael Rueda.

Unai Billar, oñatiar onena lanean. Argazkia: Goiena

Aitor Ramirez azkarrena turismoetan, Arlabaneko auto igoeran

OK MAGAZINEA.

 Oñatiko pilotuek oso lan txukuna egin zuten

Arlabaneko auto igoerak XVIII. edizioa bete zuen larunbat arratsaldean. Ibilbide berrituarekin (iaz baino 6 km. luzeagoa) aurkeztu zen aurtengoa eta orokorrean, gustora gelditu ziren guztiak errepidean ikusi zenarekin. Oñatiko pilotuek orokorrean, lan oso ona egin zuten. Goraipatzekoa, besteak beste, Aitor Ramirezek turismoetan lortutako garaipena.

Probari dagokionean, antolatzaileek zirkuitu eraberritua aurkeztu zuten arren, ezusteko gutxi izan ziren asfalto gainean. Lasterketan lehiatu ziren 43 pilotuen artean, Aitor Zabaleta bergararra izan zen azkarrena (3:04:75). Monoplazetan garaipena Zabaletarentzat izan bazen, turismoen kategorian, Aitor Ramirez oñatiarra izan zen piloturik onena (3:26:05).

Ramirez pozik azaldu zen egindako lasterketarekin. Dirudienez, azken lau probetan hainbat arazo izan ditu autoan. Larunbatean baina, matxura eta arazo horiek alde batetara utzi eta autoa %100 egonda, turismoen artean behintzat, zirkuituko piloturik onenetariko bat dela erakutsi zuen.

Oñatiarrek lan txukuna

Aitor Ramirezen garaipenaz gain, Arlabaneko igoeran izan ziren beste pilotu txantxikuarrek ere, oso lan ona egin zuten. Monoplazetan esaterako, Ruben Nogueiras hirugarren (3:14:03) postuan sailkatu zen.

Turismoen mailan jarraituz, Asier Samaniego eta Asier Mugarzak egindako lana ere aipatu beharra dago. Samaniego laugarren (3:35:65) helmugaratu zen eta Mugarza berriz, bederatzigarren (3:44:56) piloturik azkarrena izan zen.

Amaitzeko, emakumeei dagokienez, bi pilotuk eman zuten izena larunbateko proban. Sarai Vega eta Monica Muñozek. Hemen ere, Muñoz oñatiarra izan zen azkarrena (3:55:94) Citroen ZX 16v autoarekin.

Ramirez Arlabanen gora. Argazkia: Sergio Gi

Aitor Arakistain azkarrena

Aitor Arakistain azkarrena Udanan, euriak etenik izan ez duen igoeran

Eka. 8, 2013, 10:05 p.m. Jokin Bereziartua

Aitor Arakistain eibartarra lehia bizian gaur, Udanako igoeran

Aitor Arakistain eibartarra izan da azkarrena (2:44) 8. Udanako igoeran, Joseba Iraola (2:46) eta Arkaitz Ordokiren (2:50) aurretik. Ez da Aitor Zabaleta (2:51) bergararraren eguna izan, izan ere, igoera osoan zehar etenik izan ez duen euriak kalte handia egin dio. Entrenamendurako saioan, gainera, istripu txiki bat izan du ia lehen kurban. Euria izan da protagonista nagusia: ohi baino zaletu gutxiago eta pilotuek kontu handiz gidatu beharra, eta horrek ikuskizunari kalte egin dio. Beste gertaera aipagarri bat izan da Mitxel Iribarrenek motorra hautsi eta olio guztia isuri duela errepidean. Antolakuntzakoek sepiolita izeneko sustantzia bota behar izan dute 200 metrotan, olioak arazorik sor ez zezan. Horrek guztiak lasterketaren jarduna atzeratu du.

VIII Subida a Udana

VIII. Udanara igoera: auto lasterketa

2013/06/08

 
12:30 -- Bidea itxi

13:00 -- Kotxeak karabanan plazatik Udanaraino joango dira

15:00 -- Entrenamenduak

Ondoren 2 manga ofizial

Amaituta, Kotxeak karabanan Udanatik plazara.

Sari banaketa, plazan

MAROKO GUZTIA ZEHARKATU DUTE MOTORREAN 15 EGUNETAN

OK Magazinea.

Abentura eta elkartasuna motor gainean

Aste santuetako jai egunak aprobetxatuz oñatiar talde bat Marokora joan da motorrean herrialde Afrikarra zeharkatzera. Martxoaren 18tik 31ra bitartean 3500 kilometro inguru osatu dituzte eta Maroko iparraldetik hegoalderaino zeharkatu ondoren, dagoeneko herrian bueltan dira. Hori bai, hurrengo urtean berriz ere itzultzeko asmotan bueltatu direla argitu digu taldeko ordezkari batek.

Ion Losada, Javier Villar, Julen Etxezarreta eta Eneko Madina dira hain zuzen ere azken aste hauetan Maroko aldean ibili diren motorzaleak. Motorra ez ezik, abentura eta elkartasuna uztartzen zituen bidaia izan da Marokora egin berri dutena. Ez da lehen aldia Afrikako herrialde hau motorrean bisitatzen dutena eta aurreko bidaietan bizi izandako esperientziak utzitako zapore gozoa berriz ere dastatze aldera, aurtengoan ere bisita berria egin nahi izan dute. Bidaia honetan gozatzeko eta gauza asko ikasteko aukera izan dutela aitortu digu taldeko kide batek: "Motorzale askoren ametsa egunen batean desertuan barrena dunetan ibiltzea da eta guk bidaia honetan esperientzia hori gozatu ahal izan dugu. Hemen inguruan ez ditugu horrelako lekuak eta aukerak daudenean aprobetxatu egin behar dira. Era berean beste gizarte eta beste kultura bat ikusteko ere balio izan digu bidaiak eta egia esan motor gainean ibiltzen asko gozatu dugun arren, bertako bizilagunekin partekatutako momentuekin geldituko nintzateke".

15 egunetarako zuten plana garbia zen. Egun argiz, ahalik eta kilometro gehien egin, leku eta paisaia ezberdinak bisitatuz eta iluntze aldera atseden hartzeko ostatu bat bilatu ondoren, inguruko bizilagunekin elkartu eta beraien ohiturak ezagutzen pasa dituzte bi asteak. Motorrak materiala eramateko leku mugatua dauka eta hamabost egunak igarotzeko arropa eta material beharrezkoa soilik eramatea oso garrantzitsua dela azpimaratu dute: "Motorra ez da autoa; daukazun lekua eta eraman dezakezun pisua oso mugatuak dira. Motorrerako herramientak eta arropa justua bakarrik eraman behar dira horrelako bidaia batetara". Horrenbeste kilometro eginda arazo mekanikoak izaten dira baina arazo mekanikoak baino osasun arazoak garrantzitzuagoak direla nabarmendu dute:"Orokorrean zorte asko izan dugu, guretako batek egun txar bat pasatu zuen arren, zorionez susto batean gelditu zen guztia eta gainontzeko egunak arazo handirik gabe igaro ahal izan ditugu".

Abentura baino askoz gehiago

Bidaia honetan abentura eta pasioa uztartu dituzten arren, elkartasun bidaia bat ere izan dela aitortu digu ordezkari batek: "Aurreko urteetan konturatu ginen behar handia duen jendea dela orokorrean eta hori ikusirik, aurtengoan bakoitzak bere maletan arropa ezberdinak ekarri dizkiegu. Marokoko lekurik behartuenetan utzi ditugu eta ikaragarria da horren baliabide gutxi izanda, eskaintzen dizuten laguntasuna. Horrelako opariak jasotzean jartzen duten aurpegiak bihotza ukitzen dizu".

Oporretan gertatu ohi den bezala bi asteak ziztu bizian igaro direla onartu diguten arren, irribarre handi batekin itzuli dira etxera lau gazteak, pertsonalki gozatu bai, baina gozatu arazi ere egin dutelako.

0 iritziak

Javier Villar, Julen Etxezarreta, Ion Losada eta Eneko Madina bidaiako irudi batean.

XXX SUBIDA A URRAKI.

INSCRITOS