Datorren 2011. Urtarrilaren 5erako, asteazkena, Errege bezpera, eta arratsaldeko zazpietatik aurrera, Aloña Mendi K.E.ko Saskibaloi Sailak, AINHOA LAZKANO zenaren oroimenez, XIII. Saskibaloi Festa antolatu du eta Zubikoa Polikiroldegian ospatuko da.
Duela hamahiru urte, eta etenik gabe, ospatzen dugun omenaldi honek, aurten ere, Gabonetan txoko bat izatea nahi dugu, eta horrela, jai hauetako klasiko bat bihurtzeraino.
Eguneko partida handia hauxe izango da:
19:00.- SENIOR MUTILAK:
SUSTRAI ALOÑA MENDI vs TABIRAKO (Durango).
Zerbait nabarmentzerakoan hauxe litzateke, aurtengo aurkaria LIGA EBAn ari dela, hau da, gure SUSTRAI ALOÑA MENDI baino maila bat gorago.
Festa, partida honekin burutuko bada ere, egun osoan zehar, eta goizeko 11:00etan, hasiko delarik, 3x3 txapelketa bat antolatu dugu, non, nahi duenak bere izena eman, eta parte hartu dezake, ALEBIN eta INFANTIL mailan. Txapelketa honen finala, arratsaldeko 17:00etan jokatuko da.
Honenbestez, ekitaldia, AINHOA zenaren gurasoei lore eskaintza batekin eta ondoren, irabazlei euren garaikur banaketarekin amaituko da.
Esan beharrik ez dago, denok gaudela gonbidatuta ekitaldi honetara, non, oso partida bikainez gozatzeko parada izateaz gain, AINHOA LAZKANO eta bere sendiari sentikortasun osoa azalduko diogularik.
No hay comentarios:
Publicar un comentario