Zubikoa kiroldegiko igeriketan eta uretako gainerako ikastaroetan parte hartu gura dutenendako izenematea astelehenean zabalduko dute. Hilaren 17ra arte eman ahalko da izena bulegoetan: astelehenetan eta egubakoitzetan 09:00etatik 13:00etara; martitzenetan eta eguenetan 16:00etatik 20:00etara; eta eguaztenetan 09:00etatik 13:00etara eta 16:00etatik 20:00etara.
4-8 urte arteko ikastaroetan berrikuntzak egingo dituzte: astelehenetik eguenera ordu erdiko lau saio egin ordez, 45 minutuko bi egingo dituzte urritik aurrera. Hala, ikasle kopurua mugatu egingo dute talde bakoitzean. Hori horrela, ume kopurua gainditzen denean zozketa egingo dute, eta lehentasuna izango dute kiroldegiko bazkideek.
No hay comentarios:
Publicar un comentario