Igerilekua handitu..............

3,5 milioi euro kostako litzateke gaur egungo igerilekua zortzi kaletara zabaltzea eta gimnasioa handitzea

Udalak ezagutzera eman zituen atzo komunikabideen aurrean, igerilekua handitzeko edo igerileku berria eraikitzeko esku artean darabiltzan aurre-proiektuak eta kostuak. Chocarro y Herranz arkitektoek idatzitako aurreproiektuen arabera, gaur egungo igerilekua 8 kaletara zabaltzea eta igerileku txikia handitzea  3,5 milioi euro kostako litzateke. Gimnasioa handitzea eta aldagela berriak egitea ere jasotzen du aurreproiektu honek.
Bestalde, kontuan hartuz kiroldegiak 30 urte dituela, herriko beste gune batean igerileku berria eraikitzeak zein kostu izango lukeen ere aztertu du Udalak. Kasu honetan, 8 kaleko igerileku estali bat eta estali gabeko piszina txiki bat egiteak 4,5 milioiko aurrekontua dauka. Horretarako, 7.000m2-ko orubea beharko litzateke.

PARTEHARTZE PROZESUA
Herriko jaien ostean bilera irekia deituko du Udalak, aurreproiektu honen berri herritarrei emateko, arkitektoak bertan direla, eta hortik aurrera partehartze prozesu bat jarriko du abian Udalak, herritarren iritziak jaso eta erabakia ahalik eta adostasun handienarekin hartzeko asmoz.