Gabon kopako finalak

Pilota

2014-01-02 13:39:22

BENJAMIN, ALEBIN ETA INFANTIL MAILAKO TXAPELKETA IZAN DA

Gabon kopako finalak jokatu ziren asteartean Oñatin

Gabon Kopako finalak jokatu ziren pasaden astearte goizean Oñatiko Zubikoako pilotalekuan. Harrobiko pilotarientzako jardunaldi berezia izan zen. Benjamin mailan herriko ordezkariak finalera iritsi ziren, baina zoritxarrez azkenean ez zuten txapelarik lortu. Jokuan jarri zirenetatik hiru Bergarara joan ziren eta bana eraman zituzten Eskoriatza, Antzuola eta Arrasateko herriek.

Gabon jaien bueltan antolatu den txapelketa, abenduaren 23an hasi zen. Jai egun hauetan Antzuolan, Arrasaten eta Oñatin jokatu dituzte partiduak eta finalak Zubikoa kiroldegiko frontoian jokatu ziren urtezahar egunez. Hauetxek izan dira final guztietako emaitzak:

BENJAMIN B

Oñati 7-16 Bergara

BENJAMIN A

Aretxabaleta 6-16 Bergara

ALEBIN B

Eskoriatza 16-15 Antzuola

ALEBIN A

Antzuola 16-15 Aramaio

INFANTIL B

Arrasate I 18-12 Arrasate II

INFANTIL A

Arrasate 17-18 Bergara

Pilotariak txapelketa amaieran. Argazkia: Goiena